السلام عليكم ورحمة الله وبركاته

هذي قصه قريت عنها قبل 4 سنوات
في بدايتها كان هذا الشخص يداوم في منطقه تبعد تقريبا200كلم عن اهله وكان ما يروح لاهله
الا يوم الربوع ويقعد خميس وجمعه وبعدها يرجع للمنطقه اللي يداوم فيها
المهم يوم من ايام الربوع وقف يصلي العصر وهو رايح لسيارته شاف مجموعه يشيلون جنازه
ويبون يصلون عليها قال خوينا اروح اصلي ادعي لها الميت ان الله يغفر له
المهم يوم كبر الامام والله وخوينا يكبر يناظر فالجنازه شوي شوي
الا والغطى اللي على وجه الميت يطيح وينكشف وجهه خوينا بغى ينهبل شوي الا والميت
يغمز لـ خوينا ويطلع لسانه طيب كيف كذا شلون طلع حي خوينا انحاش للسياره وهو راكب سيارته
شاف الميت واللي يصلون يلحقونه المهم ما امداهم عليه خوينا عطاها اثنين و دزها
وحلف بالله انه ما اعاد يمر هذيك المنطقه لو يموت والله وتمر الايام والشهور ويجيه القدر
ويوم من ايام الربوع خلص البنزين عليه وما بقا الاشي قليييييييييل يالله يمشيه خوينا خاف
ويدعي انه يوصل المحطه اللي قدام والحمد لله وصل المحطه وعبا بنزين قال ابروح البقاله اشتري لي بارد وهو واقف عند ثلاجة البارد يتخير وش يبي
الا وفيه واحد حاط يده على كتف خوينا بس رص يده بقوه الرجال انخرش
والتفت الا وهو الرجال اللي كان يصلي عليه خوينا وسبحان الله عرفو بعض
المهم الرجال مسك خوينا وهدى وضعه وركده وقال له انا اقول لك السالفه
انا رجال انظل الاوادم اشغلتهم كل ما شفت شي زين دمرته
فقالو ربعي لازم نصلي عليك صلاة الميت عشان ما تنظل مره ثانيه وافقت وجيت انت
يوم انكشف الغطا عن وجهي شفتك وكنت غريب عني اعرف ربعي الا انت
فقلت استهبل عليك لكن يوم انحشت حاولت انا واخوياي نلحقك نفهمك الوضع لكن ما امدانا عليك
وهذي القصه كلها