هذه قصيدة من اشهر قصائد النبط

للشاعر نمر بن صنت العتيبي


يانجمة الصبح كبدي منك مرهوقه
لاشـع نـورك علينـا لاتغيبينـي
ستاير القلب من فرقاك مشقوقـه
اصبر من العام لين انك ذبحتينـي
الود لو نتركـه عنـا وطاروقـه
أظني ارتـاح وانتـي تستريحينـي
لبيك ياللي تجـر القلـب بعروقـه
كله على شان يوم انـك تلبينـي
تلحني لح ركـب عجلـوا سوقـه
او جـل ذود مسريهـن شيابينـي
عديت عن مبسم المجمول لاذوقه
انا بلاي الحيا وادرا علـى دينـي
وا قلب ياللي من الجازي دنا عوقه
بالله شيـروا عليهـا لاتقاصينـي
وان كان قلبي تلبش عنه صندوقه
شدوه لين آتجـود فيـه بيدينـي
قالوا معاليق قلبك منه مسروقـه
قلنا خذته الضحى والناس واعيني
ياليت ربي ومر (خالد) على شوقه
يفك حبله ولـو يعطـي ملايينـي
الأوله ليت ابو خلي مـن الروقـه
والثانيه ليت ابوي من القحاطينـي
يالله ياخالـق الدنيـا لمخلـوقـه
تقدر على الموت تذبحني وتحييني
تلم شملي لابد الـروح مرفوقـه
باربع هناديس في قبري تخاوينـي

الله يعطيك العافية والله اني لي فترة ابحث عن القصيدة هذي
لاهنت اخوي خالد على الفصيدة انا ممنون لك
تحياتي لك

تسلم والله يعطيك العافيه على هذه القصيده .... تقبل مروري