: الشاعر بن لهاب الجش يرد على الامير الشاعر بدر بن عبد المحسن

أبوريان
03-10-2009, 10:05 PM
السلام عليكم ورحمة الله وبركاته

قال صاحب السمو الملكي الأمير بدر بن عبدالمحسن

أنا بدوي ثوبي على المتن مشقوق..ملكت الأرض وراس مالي عصاتي

قال ابن الهاب الجش المطيري:

هيضتني يامير والشعر مرموق **** ومثايلك هذي من المغرياتي


شاعر وامير وفاهمن كل منطوق**** ومثايلك تحسب من المعجزاتــي


ياميــر وش وداك للـبر والنـوق**** انته ملك والنوق عند الرعاتــي


غرايبن يامير يـطرب لها الشـوق **** مثل النفل بفياظه الزاهيــاتــي


ياميــر يــوم سجيت للبر مرفوق ****معك الخدم وجموسن مكيفاتي


ومعك الثياب مصفطاتن بصندوق**** يـدرجهن الخادم ولك بارزاتــــي


ياميرماناشك من الوقت ملحوق **** متريحن بقصورك النايفاتـــــــي


يامير جدك منهي السلب والبوق**** حامي طوارف نجد بالمرهفاتي


عبدالعزيز مومـن الحظر باســـوق**** خلا اركون المملكه راسياتــي


انا الذي يامير في كبدي فتـــوق **** من الظما والجوع والكايداتـــي


وانا الذي يامير في رجلي ارهوق**** فيها ضواريب الحـفـا واظحاتي


يوم التبدوي له هكالوقت طاروق **** حنا هله ياميـــر بالمظميــاتي


وتشهد فيافي نجد ظلعان وعروق****يوم السنين العجف والمجدباتي


ماشفتني يامير يوم طحت من فوق****يامير جعلك ماتسوي سواتـي


اخذت غب الذود ماشفت ماذوق**** من لاهب الجوزاء تهل اعبراتي


ومن ماجراء يامير قد شيب الموق ****يدرجني السرحي يدور اشواتي


اسمع كلام اللي مجرب وماثوق ****كمل وراء الخمسين ست سنواتي


ويــالله يلي رازقــن كل مخلــوق ****تعــوظنــا بيــامنــا الفايتــاتــــي

كان الشاعر يعيش في نفود السر بنجد قريب وثيلان هجرة الجشوش من مطير..

صح لسان الشاعر ...
http://www.geocities.com/kr3oonah/18.jpg
أخو من طاع الله
03-13-2009, 03:50 AM
ابوريان مجهودات رائعه وشكرا
وتقبل مرررروري:)
ابن الدخيل العتيبي
05-01-2009, 04:13 PM
انا الذي يامير في كبدي فتـــوق **** من الظما والجوع والكايداتـــي


وانا الذي يامير في رجلي ارهوق**** فيها ضواريب الحـفـا واظحاتي


وانا الذي أستمتعت هنا بالقصيده لا جد نفسي تقول

لشاعرها صح لسانك مليون

ولناقلها الله يغطيك العافيه
مطلق بن خشمان بن عبيسان
05-06-2009, 02:38 PM
الشكر لله ثم للشاعر وافي مافيه حيله وكذلك للمجهود الذي بذله من نقلها لنا الشكر للجميع
ضيف النشامى
10-25-2009, 10:22 AM
بارك الله فيك وصح لسان الشعار
سعدمطلق الجش
10-25-2009, 01:23 PM
قواك الله بوريان على كتابه قصيده الشاعر الكبير بجاد بن لهاب ونريد منك أيضآ جلب المزيدمن قصائد الشاعر المذكور لأنه يعطش لها الخاطر............................................ .
فلاح سعد الحوز
11-22-2009, 06:08 PM
شـكــ وبارك الله فيك ـــرا لك ... لك مني أجمل تحية .
الهدولي
02-21-2010, 03:06 AM
صح لسان ابن لهاب