]بسم الله الرحمن الرحيم


أخترت لكم قصيده عذبه من عذوبة شاعرها الراقي // مساعد الرشيدي]

لا عاد تنشد ما بقى عندي علوم كل العلوم المبطيات تخبرها


ماجيتك أشكي ميلة الوقت .. مزحوم نفسي .. ليا ضاق المدى ماخسرها


ياصاحبي .. كنت أمس .. كنت أمس .. محشوم واليوم .. هج بجيتك واختصرها


خلك بعيد .. أبعد من العام لليوم وأدنى من أحلام النجوم .. وقمرها


بعض الكلام اللي تحليه .. مسموم وماكل كف ٍ صافحتك تغدرهـــا


كم طيب ٍ ساقته الأقدار .. لرخوم وياكثر ناس ٍ تنخدع في صورها

أنا أعتبرها .. كبوة حصان ويقوم وأنت أعتبرها زي ماتعتبرها



والحر ما يشره على خنعة البوم الله رفع شانه ووطى قدرها



لو جيتني كنك على الوجه ملطوم بعض الخطايا .. عذرها ماغفرها



عندي تساوت هرجة العذر .. واللوم هذيك مابغاها وذيك أحتقرها



زله .. وعدت ماحدتني عن النوم مرت سلام وبعد الله كدرها

شـكــ وبارك الله فيك ـــرا لك ... لك مني أجمل تحية .

صح لسانك كلمات رائعة وعذبة

قصيدة أكثر من رائعه تشكر عليها وعلى جهودك الواضحه

عافاك الله ياكحيلان