هذة قصيده لقناص الخليج عبدالله بن سالم الجش لاحد ابناء اخيه ويقول فيها

الطير جاك ولا نبي فيه مخسار
عندي ولا يسوى مرد القصيده
حر يشقلب هارب الخرب لا طار
واليا وقع حط الثنادي بجيده
ما هو بكفاخ على الكف مسمار
وان شافها من يدك يهد سيده
رزق المعارف كانها جات عبار
لو سمية شافت بروق سديده
يا زين هد الطير مع شبت النار
وتشوف قدمك كل عشبه جديده
مع النشامى اللي لهم فالولع كار
ونذرك عن خوت وجيه غريده
والطير ما يزهاه يا كود صقار
اللي يسنه مثل سن الحديده
ان افسقه خلاه ثم طار واختار
جو الخضيرا والندا ما يفيده
وان اهزله ما هو على الجوع صبار
لو هو يشوف الصيد عجز يصيده
لا تفسقه واجد يصيبه تنكار
ولا تهزله حتى يناطح زنيده

صح لسان الشاعر ويعطيك العافية

يعطيك العافية ابو ريان اسعدني مرورك

صح لسانك الشاعر

بارك الله فيك

يعطيك العافيه سفير الجشوش

الله الله صح لسانه

يعطيك العافيه ياسفيرنا المبدع على نقل هذه القصيده لصقار الخليج

صح لسانك ياسفير الجشوش ولسان الشاعر
على القصيده الرائعه

صح لسانك..

مشكور يعطيك العافية قصيدة أعجبتني صراحه تقبل مروووري

صـــــــــــــــــــــــــح لساااااااااااااانك يامبددددددع على القصيدة الجزلة

يعطيك العافية وصح لسان الشاعر

ونعم فية رحمه الله

صح لسان ابوسالم
ولاهنت.

والطير ما يزهاه يا كود صقار
اللي يسنه مثل سن الحديده
ان افسقه خلاه ثم طار واختار
جو الخضيرا والندا ما يفيده


صح لسان أبو سالم أطال الله في عمره ومتعه الله باللصحه والعافيه

وتسلم يمينك أخوي سفير الجشوش على النقل