السلام عليكم ورحمة الله وبركاته
قصيدة في الشيخ علي بن سليم بن رجاح الجش


على نظم المعاني بأبتدي بإسم الله الرحمـن ــــــ ـــــــ إلاه الخلق خالقهـا و رازقهـا و محصيهـا
هو الغافر هو القاهر هو المعــطي هو المنــــان ـــــــــــــ هو اللي باسـط البيـدا مثبتهـا برواسيهـا
بعد راق المزاج و فكـــرة الشاعر هي النيشان ــــــــــــــ أبكتب لي بيوت" أفتخـر لا جيـت أبلقيهـا
دفعها من صميم القلب تقديـــري مع العرفـان ـــــــــ وهلت من سماء فكري مزوني من مناشيها
حيت منها المشاعر و أنبتت فل " معه ريحان ـــــــــــ و فاح العطــــر و إبتهجت و زفت لي معانيهـا
حيت بأسباب من لإسمه و ذكره تقبل القيفان ــــــــــــ تفاخربه و تزهــــابـه أميـر القـــــوم راعيـهـا
أبو سليم رفيع الشان من طيبه رفيع الشـان ـــــــــ مــــــلاذ الجاني اللي طعنتـه ماأحـد" بناسيهـا
أمير" من سخا يمناه أصبح للكـرم عنـوان ـــــــــــــــــــ جميع الناس تشهدله مـن أقصاهـا لدانيــهـا
لو إن الجود غيمه في يمينه رويت الأوطـان ــــــــــــــــ عقب ما هي محـل تصبح بساتين" أراضيهـا
وريث لعود تاريخه سوات سهيل لامن بـان ـــــــــــــــــــــــ إلى من ثارت الهيجا و دعى للحرب داعيهـا
على قب الأصايل حاضر" ماغاب في الميدان ــــــــــــ غدت من فعله رجال" بعـد خيـب هقاويـــهـا
عقيد" هيبته ماكنهـا إلـى هيبـة السلطـان ـــــــــــ إلى منه حضــر يصبح كبيـــر القـوم تالـــيهـا
على العليا تعلا من عزم صادق بعد وإيمان ــــــــــــــــ رقاهــــا لأن خطواته على الصعبه مضريهـا
فخر كل الجشوش اللي سكنوا في ساير البلدان ــــــ هل الطالات ربعــــي بـأول الدنيـــا و تاليهـا
لهم وقفات بعقول العـرب ماتقبـل النسيـان ـــــــــــ كما شمس النهار إليا أشرقت من هو يغطيها
علوم مثبته مثل الصحيح و لاتبـي برهـان ـــــــــــ تتبقـى ليـــــن هالـــدنيـا تــودعنـا ليــاليـهـا
بدعت القول ثم جبته بلا زودن ولا نقصـان ــــــــــــ بـــــلا غايــــــه لـو إن النفـس تباعـه لأمانيهـا
جذبته و إستقام الدرب و جو الشعر ليه زان ــــــ و جبت اللي دعتني للفخر و أقبلـت أغنــيهـا
الشـاعـر" فـايـز ابن خرمان

الله لايهينك يا بو راكان ولاشك إن أبو سليم من شيوخ القبيلة اللي يستاهلون المدح ولو وضع فيهم دواوين مدح ما وفتهم حقهم

ماهو غريب الطيب على الشيخ ابو سليم وهو من أشد الناس حرصا على اجتماع الجشوش
الله لا يفرقهم ابو سليم ابوالفزاعات كلهاالله يطول في عمره ومهما قلنا في حقة قليل
وانا من ابناء الجشوش اللي ماقصر معي ابوسليم فزع معي الله يبيض وجه ولا ننسى ابنائه سليم وخالد الله يبيض وجيهم ماقصروا بعد وارثين الطيب من ابوهم
واشكر الشاعر فايز على القصيدة الجزله (واقول مافيك حيله على قولة حمد السعيد)ومشكور ياابوراكان على النقل
وتقبل تحياتي

مشكور يابو راكان
وصح السان الشاعر
وابو سليم يستاهل المدح

بيض الله وجهك يابو راكان وصح لسان الشاعر فايز
والشيخ ابو سليم يستاهل كل ماقيل فيه من مدح ولا حنا واصلين حقه
الله يطول في عمره ويحفظه

:)أولاً:)
اللة يعطيك العافية يابو راكان على نقل هذه القصيدة الجميلة التي كتبها
الشاعر/فايز بن هلال إبن خرمان
من صميم قلبة ومشاعرة التي تحمل كل الاحترام والتقدير
للشيخ
علي بن سليم بن رجاح الجش
:)وثانياً:)
الشيخ / علي بن سليم بن رجاح الجش دائماً سباق للخير ويستاهل أكثر وهذا قليل في حقة راع الكرم والطيب والجود الي ورثها من والده الله يعطية الجنه ويرحمة

أبو سليم رفيع الشان من طيبه رفيع الشـان ـــــــــ مــــــلاذ الجاني اللي طعنتـه ماأحـد" بناسيهـا
أمير" من سخا يمناه أصبح للكـرم عنـوان ـــــــــــــــــــ جميع الناس تشهدله مـن أقصاهـا لدانيــهـا
لو إن الجود غيمه في يمينه رويت الأوطـان ــــــــــــــــ عقب ما هي محـل تصبح بساتين" أراضيهـا
وريث لعود تاريخه سوات سهيل لامن بـان ـــــــــــــــــــــــ إلى من ثارت الهيجا و دعى للحرب داعيهـا
على قب الأصايل حاضر" ماغاب في الميدان ــــــــــــ غدت من فعله رجال" بعـد خيـب هقاويـــهـا
عقيد" هيبته ماكنهـا إلـى هيبـة السلطـان ـــــــــــ إلى منه حضــر يصبح كبيـــر القـوم تالـــيهـا
على العليا تعلا من عزم صادق بعد وإيمان ــــــــــــــــ رقاهــــا لأن خطواته على الصعبه مضريهـا
فخر كل الجشوش اللي سكنوا في ساير البلدان ــــــ هل الطالات ربعــــي بـأول الدنيـــا و تاليهـا
لهم وقفات بعقول العـرب ماتقبـل النسيـان ـــــــــــ كما شمس النهار إليا أشرقت من هو يغطيها
علوم مثبته مثل الصحيح و لاتبـي برهـان ـــــــــــ تتبقـى ليـــــن هالـــدنيـا تــودعنـا ليــاليـهـا
الشيخ / علي بن سليم بن رجاح الجش يستاهل هذه الابيات ومهما كتبنا فيه من قصائد مدح فهي قليلة بحق هذا الرجل الذي حينما يلجأون اليه ابناء عمومته يجدون منه كل قبول وتفهم
ونتمنى من الله العلي العظيم التوفيق له ولأبنائه سليم وخالد

وعليكم السلام ورحمة الله وبركاته

أمير" من سخا يمناه أصبح للكـرم عنـوان ـــــــــــــــــــ جميع الناس تشهدله مـن أقصاهـا لدانيــهـا

صح لسان الشاعر فايز ابن خرمـان

فأبدع الشاعر بأبيات شامخه متميزه ويستاهل وكفو على ما نظمته من كلمات جزله وافيه .. قوة مـدح وروعة معنى وجمال بـكل مفردة اتحفتنا بها .. لله درك ويسلم راسك يابن خرمان

فالشيخ على بن سليم يستحق ماهو اكثر من هذا ومهمـا قلنـا ماراح نوفي حقهـ


تقبل تحيـاتي العطــرهـ


اخـووكم الجش

يستاهل ابو سليم وافي الخصايل والله يطول في عمره وصح الله لسانك يا عزيزي فايز:)

تقبلوا تحياتي ومروري

اخوكم : متعب صنيتان الحوز

بسم الله الرحمن الرحيم

اشكر اخوي/فايز بن هلال علي هذي القصيده
ويستاهل الشيخ/ علي بن سليم بن رجاج اطال الله في عمره ومهما كتبنا وذكرنا في حقه فهوا القليل

يستاهل الشيخ علي
بيض الله وجهه صاحب مواقف مع ربعه ويستاهل كل خير

شكرا على تمجيد رموزنا

يعطيك الف عافيه

الشيخ / علي بن سليم بن رجااح ونعم ويسسسسستاهل الطيب وصح لسسسان الشاعر