هذي قصيدة الشاعر: سعود عالي الجش في مزاين ام رقيبة في
حفل ضيف الله بن حجيلان الجش




سـلام ياللـي تشاهدنـا وتسمعنـا .............. تسليمةٍ من مطير طـوال الايمانـي
عبر محطة صدى والشـوق يدفعنـا .............. بمزايـنٍ جامـعٍ حضـرٍ وبدوانـي
بمزاين اللي على الطولات شجعنـا .............. مشعل ولد من حكم بالسيف شامانـي
ولد زعيمٍ فـرق بالفعـل والمعنـا .............. عبدالعزيز اخو نوره طير حورانـي
زعيمنا اللـي جمعنـا ثـم ودعنا .............. امانةٍ فـي ذرى حكـام الاوطانـي
عيالـه اللـي قيادتنـا ومرجعـنـا .............. ريف الجزيره ليامن الدهـر شانـي
شوخٍ قبل حكمهـم للنـاس ماطعنـا .............. ي**ن علينا الدخيل ونحتمي العانـي
ومانخلف عهودنا من بعـد بايعنـا .............. وهـذا ولانـا لعبـدالله وسلطانـي
وخيانة العهد ماهـي مـن طبايعنـا .............. واللي يخون العهد خايـب وجبانـي
والله واللـي مكـونـا ورافعـنـا .............. على كثير البشر مسلـم ونصرانـي
بالصفحـه الاولـه سـودٍ وقايعنـا .............. وعلومنـا كلهـا عنـد البريطانـي
وبالصفحه الثانية بيـضٍ صنايعنـا .............. ولاني بقايل كلام بـدون برهانـي
ولاحرّكتنـا عدانـا مـن مواقعنـا .............. يوم ان كـلٍ بجنبـه يدحـم الثانـي
نسمع هروج الصغار ولاتزعزعنـا .............. ولانلتفـت للفـلانـي والفلنتـانـي
لونلتفت للهروج الضايعـه ضعنـا .............. واللي يسولف بنا مفلس وخسرانـي
وياللي تنشّد عن البـل كلهـا معنـا .............. اتلادها عندنا مـن كـل الالوانـي
بالمغتـره كلهـا ماحـدٍ ينازعنـا .............. مطير اهلها ليا عديـت مـن دانـي
منها الودايع قلايـع مـن قلايعنـا .............. والشرف عند الدويش انتاج ذرواني
سودٍ نهـار الملاقـا هـي ودايعنـا .............. نهوش من دونها في كـل ميدانـي
وكل شعلا طيبه بـالارض تتبعنـا .............. وفي كل ديره ورى حلوات الالباني
والصفر مخزون كنزٍ من بضايعنـا .............. ماهي بمع غيرنـا بنـات عبدانـي
وضحٍ سوات البرَد تدهـل مرابعنـا .............. وكلٍ عرف ساس عليا ابن سقيانـي
والحمر والشقح فيها الزيـن مقنعنـا .............. لمطير مملوكةٍ من ماضَ الازمانـي
ورمان كلن يعرفـه مـن طلايعنـا .............. من مكسب اخوان جوزا يوم الاكواني
وعبدان لبريه ماحدٍ بـه يشارعنـا .............. الا بعيرٍ يـروح بغالـي الاثمانـي
ماراح كسبٍ مع القومـان يوجعنـا .............. في ضفنا ماوصل له كـل قومانـي
والكذب ماهـو بمسقينـا ومشبعنـا .............. ولايخلّـص ديـون لكـل ديـانـي
وعدونا لو ضحك ماهـو بخادعنـا .............. ماعندنا الاشهـاب لكـل شيطانـي
وضيف الله الجش للتكريـم جمعنـا .............. مشكور مية شكر يابـن حجيلانـي

http://up.arab-x.com/Dec09/6eD42412.jpg (http://up.arab-x.com/)

صح لسان الشاعر سعود بن عالي
ويستاهل ابن حجيلان
ويعطيك العافيه سفيرالجشوش مبدع كعادتك

صح اللسان ابوسلطان على هذه الابيات الجميله جدا ونقول مافيك حيله

صح السان الشاعر اويستاهل البل ابن حجيلان

قصيده رائعه تم مشاهدتها بصوت ابوسلطاااااااااان في قناه صدي