السلام عليكم ورحمة الله وبركاته
مما راق لي وأحببته لكم
:)

أغلى مواعيد الهـوى دايـم ضحيـة للظـروف
حاولت فيها تستـوي لكـن عيـت تستـوي !!
وانتي تحديني على الفرقا وأنا عينـي تشـوف
وأنا تعبت من الفراق اللي طوى عمري طـوي
ماعدت أميز في متاهـات الغيـاب الا الوقـوف
وازبن عليك بضيق بال ودمعة العيـن تهـوي
البال يضمى والتعب والجرح لاجيـت مخلـوف
شاربك من قدر المحبـه بـس ماهـو مرتـوي
قل:وش جدا قلبن على ذكراك من عمر معسوف
لامـا تولـع خاطـري وازوى مسافاتـي زوي
رحت آتحمل طعنة الخنجر على حـد السيـوف
وإن مت ياحال الضعيف اللي على حكم القوي !!
يا اللي علي تستكثر الامال واسـوق الحسـوف
الضيق خاواني كثر ماغبت مـا اريـده خـوي
ماكل حاجه بالجلاده والصبـر يمكـن تطـوف
ما يمدي الخافق ..محمل فـوق مـالا يحتـوي
لا ماغدى حالي من التشتيت والوجد مخطـوف
والعزم فيني من بعد فرقـاك كفـه ملتـوي !!

المبدع:راشد البلوي..
http://abumashari3448.googlepages.com/al-bloy.mp3

تقبلو تحياتي اخوكم: متعب صنيتان الحوز:)

اغلى مواعيد الهوا دايم ضحيه للضرووف
حاوت فيها تستوي لاكن عيت تستوي

مشكور اخوي متعب على نقلك هذه القصيده الرئعه .. والأروع الشيله

تقبل مروري العطر .. وننتظرك من المزيد

اخووك الجش