سعود بن ضبعان
05-31-2010, 06:18 PM
يامرحبا بك عد ماغرد الطير ..............مغلفه بالطيب ماهي عواري
ترحيبة (ن)عند العرب وزنها غير.........اعز من بنك البلاد التجاري
ارفع حجاجك ياحزام المناعير ..........طرى علي من الطوراي طواري
يم الديار متعبات السياير ............ ميتين كيلو وسط هاك الصحاري
من فوق من يوصل بعيد المداوير ........شيخ المواتر اشهدنه سفاري
وقف وشب النار وارك المباهير.........وسط الغضا اللي بناره نماري
طش العمامه وابشر اليوم بالخير..........من يوم فاختنا سواد الكباري
دار(ن) هواها ينعش القلب بعصير.............يسقي ثراها لين تصبح غداري
من مزنة براقها له تناوير ...............براقها خير وسايل الخير جاري
تفرحبها سود البكار المصاغير ..............اتلاد ماجت بين بايع وشاري
والصبح تلقى الربد فيها مخامير .............وكلن يقول اليوم باهد طاري
وتلقى العدن وسط الدحال المزابير ...........يازين مطردها بصبح وعصاري
هذا كلام الصدق مافيه تزوير ...............واللي يلوم القلب ماهوب داري
فيها تعلمت ان الصبر للمسافير ............وان الرجل نوعين سيف وشباري
وخلك صغير القوم ولو منت بصغير ..........وعندالمواقف مثل خشم السواري
الشاعر //جازي المطيري
ترحيبة (ن)عند العرب وزنها غير.........اعز من بنك البلاد التجاري
ارفع حجاجك ياحزام المناعير ..........طرى علي من الطوراي طواري
يم الديار متعبات السياير ............ ميتين كيلو وسط هاك الصحاري
من فوق من يوصل بعيد المداوير ........شيخ المواتر اشهدنه سفاري
وقف وشب النار وارك المباهير.........وسط الغضا اللي بناره نماري
طش العمامه وابشر اليوم بالخير..........من يوم فاختنا سواد الكباري
دار(ن) هواها ينعش القلب بعصير.............يسقي ثراها لين تصبح غداري
من مزنة براقها له تناوير ...............براقها خير وسايل الخير جاري
تفرحبها سود البكار المصاغير ..............اتلاد ماجت بين بايع وشاري
والصبح تلقى الربد فيها مخامير .............وكلن يقول اليوم باهد طاري
وتلقى العدن وسط الدحال المزابير ...........يازين مطردها بصبح وعصاري
هذا كلام الصدق مافيه تزوير ...............واللي يلوم القلب ماهوب داري
فيها تعلمت ان الصبر للمسافير ............وان الرجل نوعين سيف وشباري
وخلك صغير القوم ولو منت بصغير ..........وعندالمواقف مثل خشم السواري
الشاعر //جازي المطيري