بسم الله الرحمن الرحيم
تحذير شديد اللهجة للشعراء الذين يتهجمون على القبيلة طلبا للاضواء واالشهره

راع الردا يحرم من الطيب حرمان = والطيب يااهل الطيب صعبٍ مناله
والادمــي لاحـــس فــالنــفـس نـقصـان = تبــدا عــليـــه نهــايته وانــحـــلالــه
وليــا مــدح نـفــسه علــى غيـر برهـان = وعـد الشــهـود وكـل من مــات قــالـه
مـاكـل مـن يـهـوى الـطرب صــار فنان = ولاكــل مــن قــاتــل يشــرف قــتالـــه
ولاكـل بشــت اشقـر مثل بشـت سلمان = ولاكــل صـــقــار(ن)طـلع مثـل خـالـــه
شــاعر تعــطـل حــجـته كــل الاذهـــان = ويقـــدر يــــواجــه لــــه قبـيله لحــالـه
وشاعـــر يجامــل لــحيــة فــلان وفــلان = في مـوقـف(ن)مـاهـوب موقف جمـالــه
وينــك عن اللي جـر زيـــنات الالــحـان = ولّقـــب مطيـــر الـوافيــه بـالنـذالــه
وانت(هـ)تسمـع كـن مــاعنـد ك لسـان = تبـغـــى تصـــون المعرفــه والزمــالـــه
وش عـاد تسـوى المعـرفه وانـت منهـان = بلـــلسـان خـدش(ن)ما يسـاوي نعالـــه
خـدش(ن)بـداره يشـبع الـذيب سرحـان = وقـت مـضى ماحال الاجـــــوادحــالــه
تخــاف بــكرة مايــلاعــــــبك زعــلان = خــلـــه وتــلقــا لـك خـصـيم(ن)بـدالـه
خــلــه يــولي يـاابـــيض الـوجه لاهـان = وعــن( نـــانسي عجـــرم) تكفي (اصـالـــه)
خلــك مــن اللي فـات واخذ القضا الان = مـاهـي صـعيبـه مثـل شـرب البيالــه
ثـم وررد الحـجــه مثـل طيـر حـــوران = اللي تعلـــى المجـــد والمجــــد نـالــــه
مــانــي علــى ذم الاجــــاويد شفـقان = ولا ريـــد غــير حقــوقــنا والــعدالـــــه
قـــالــو نــذالــه قلت لـه حق جــبان = مــقصــورة(ن)يـوم الــفـعايل حــبالـــه
درعمة(ن)مثل الاخــيره مـن الضــان = حثــالـة(ن) والـلي سـمع لــــه حـثالـــه
الــيا تــردا بومة(ن) قـــال مـــطـران = وان جــا الــردا مــن الغير قالو خــوالــه
ردييـنا في مــعـقل الــغيـر سـلطــان = الطــيب ســـاسـه والـظفـر راس مـالـــه
كريــم مـــادور شـــهاده وعــرفــــان = الـــيا عجـــز غيــره عـن الحمل شـالــه
لـلمــجــد شعــار(ن) ولــلحـــق مــيزان = و الشعــر في وقت الملاقا رسـالـه
ورسـالة(ن)تقــصر عن مطــير بالشـان = في ذمـتـي مــاهــي رســالــه فسـالــه
والـلعب مــع بعـض النـمونه لــيا لان = انت المــعلــم وانــت راس الــشكالـــه
لاشك لـك بالطـيب مظرب وجــدان = والــطيب مــاترضى المــهـونه رجالـــه
اجز الــردي بالـــلوم والطيب باحسـان = اتــرك دقـــاق الهـرج واجلـب جلالـــه
مـطير تبـقـىقا لــلـــوفــا خــير عنــوان = ماهـوب حكـي(ن) كل من ضـاق قـالـــه
وقــفـــاتـنا يشهد لهـــا كــل ميــدان = انشـد صـحاري نــجـــد وانــشد جبالـه
ريف الطـراقي يــوم وقـت الدهر شـان = يــوم ان ولــد الـلاش يكنز ريــــالــــه
لــخصــامــنا زلــزال عــاتـي وبــركان = ولـدخـليـنا فــي (ن) ضــلـيل ضـلالـــه
يــانجــد مــابـك حـزم هالك وضمـيان = سيــوفــنا بــالــدم تــروي رمـــالـــه
الــلــه مــن وقـــت الملاقــا ليــاحــان = في جال ضـلع (ن) يشـتكي الـنار جـالـــه
ســهــوم فــرريس(ن) تــقل وبـل هــتان = منها يســم الخــصــم قبـل اغـتيالــــه
وشــلفا ورمـح(ن) ينغرس بيـن الامتان = و ياخذ طـــريـــقه لــين يطـلع قــبالــه
ومن شيخ قوم امسى له القبر مسكان = تفــرقـــو ربــعـــه وصـــيدر حــلالــــه
عيف المــنام وخيمـت بعده احـــزان = واصـــبح عـــوض راســـه رمادة دلالـــه
لا والـذي تســـجــد لــه الانس والجان = ونســجد لمـــرضــاتــه وعظمة جلالــــه
منــش الخــيال الي سقـى كل الاوطان = والشـمــس مــايحــجب سنــاهـا خيالـه
مـاني عـلى ذم الاجــاويــد شفــقــان = لـكن نــــريـــد حقـــــوقـنا والعدالــــه
القصيدة كتبتها مخصوص لاحد شعراء القبيلة وذلك عقب نهاية احدى محاوراته مع احد الشعراء اتحفظ على اسمه
حيث قام الشاعر الخصم بالتهجم على القبيله بشراسه بالفاظ لا اود التطرق اليها قوبل هذا التهجم بابتسامة الرضا من شاعرنا وهو امر مستغرب منه كشاعر بهذا الحجم-- ويعلم بان ماذكره ذلك الشاعر لايمت للحقيقه بصله
ولكون الشعر يعتبر رسالة تحفظ الحق لاصحابه فانني انا كشاعر من بناء قبيلة مطير اطالب بل اطالب
واطالب جميع شعراء القبيله بحفظ حقوق قبيلتهم والتصدي لكل من يحاول
ايذاء القبيله من الشعراء بل من السفهاء الذين يعتقدون بان التهجم على قبيلة
بحجم قبيلة مطير سوف يدخلهم في دائرة الاضواء والشهره اذااااااا
عدم اعطاء الفرصه لاي شاعر يتعدى على القبيله بالكذب والتلفيق الذي يؤذي عقول العقلاء
واحذر كل من يتجراء على مهاجمة القبيله بان الرد سيكون قاسي من ابناءها؟
بقلم الشاعر والكاتب/عبدالرحمن العقيلي لمطيري

ياهلا وغلا يالعقيلي نورت المنتدى وصح لسانك على الأبيات الجزله وكفو يالعقيلي الله يكثر من أمثالك

يعطيك العافيه ياعبد الرحمن العقيلي والقصيده جزاله وبيض الله جهك عليها

يعطيك الف عاافيه يالعقيلي وبيض الله وجهك ومرحبا مليووون بك

بيض الله وجهك يالعقيلي وصح لسانك

ورسالة(ن)تقصر عن مطير بالشـانفي ذمتـي ماهـي رسالـه فسالـه
واللعب مع بعض النمونـه ليـا لانانت المعلـم وانـت راس الشكالـه
لاشك لك بالطيـب مظـرب وجـدانوالطيب ماترضى المهونـه رجالـه
اجز الردي باللوم والطيب باحسـاناترك دقاق الهـرج واجلـب جلالـه


صح السانك اخوي عبدالرحمن على هذه الرائعه التي نقتها لنا ومطير قبيله غنيه عن التعريف .
يشهد لها التاريخ في الماضي والحاظر

صح اللسان قصيدة جزله بيض الله وجهك

كفو ثم كفو يالعقيلي صح لسانك واشهد انك جبتها

مشكور على القصيدة الجميلة
لكن من هو اللي بيتهجمون على مطير

الله يعطيك الف عافية على الأبداع

الله يبيض وجهك قصيدة جزلة

قصيده جزله وبيض الله وجهك

أبيات جزلة كفو بيض الله وجهك

يعطيك الف عاافيه يالعقيلي وبيض الله وجهك ومرحبا مليووون بك

صح لسان ياعبدالرحمن العقيلي وبيض الله وجهك
اعتقد بأني رايتك من قبل في دراسه مثلا