هل يعقل ان تتكرر قصة مفرج والمهادي ؟؟

ان العفو من شيم الكرام ..

وقد حث عليه ربنا في محكم تنزيله و نبينا صلى الله عليه وسلم في الاحاديث الصحيحه اللتي يعرفها الجميع .

والعرب عرف عنهم اكرام الجار ويتفاخرون بذلك سابقا فكثير من القاب القبائل تحمل معنى يوحي بانهم يكرمون الضيوف .

وللاسف ان ذلك قل حاليا في الزمن الحديث ..!!

ولكنه لم ينقطع عند الرجال الكرام ومنهم الشيخ / فهد بن فراج بن دهيم العزة من اهالي مدينة الحاير

واللذي قُتل ابنه على يد ولد جاره عبدالله بن علي القحطاني

والقصه كما يلي حسب ما سمعتها
يقولون ان الورعان يلعبون وحصل بينهم مشكله وقام ولد القحطاني وطعن ولد السبيعي في ظهره وقتله

وكان فهد بن فراج ماهو موجود وعندما اخبروه ذهب الى مكه واعتمر وصلى ركعتين الاستخاره ورجع الى الحاير

ثم اتصل على القحطاني وقال تجيني للقهوه ويم جاه وبعد ماتقهوى ركب هو وجاره وراحوا للمحكمه

وتنازل فهد عن القحطاني وهذي عادة الرجال الطيبين اللي فيهم خير

عندما سمع الامير سلمان بالسالفه قال نادولي فهد

ويوم جاه في مجلسه يوم الثلاثاء الامجلس طويل العمر مليان بالرجال مثل العاده واكثرهم شيوخ القبايل
وجلس في المجلس وقام الامير يعلم اللي عنده بالسالفه وبعد ماانتهاء من السالفه قال يافهد بيض الله وجهك واطلب اللي تبي
قال ياطويل العمر لي عندك طلب قاله اطلب قال فهد ابيك ياطويل العمر تعفي ولد القحطاني من الحق العام وهو السجن
قال الامير جاك طلبك يافهد وطلعه معه ويوديه اهله وهو يجي القحطاني ويتقهوى عنده قال يابو فلان لي طلب عندك قال جاك قال انك ماتشد عن بيتك هذا وتبقى فيه قاله تم يابو فراج!!!!!!!!!!!!!!!!


وهذي القصيدهـ شكر من قحطان لسبيع .. للشاااعر / شالح القحطاني...


الفعل فعل سبيع ماضين الأذكار...ماروعت جيرانها في ولدها...

عزالخوي والضيف والثالث الجار...غلبا هل الطولات تعتق قودها...

اهل الرمك والجيش وافين الاشبار..واهل البيوت اللي طوالا عمدها...

واهل الاشده والمسامه والاكوار....جمال التخوت الوافيه في عهدها...

يوم الجزيره ثايرن جوها غبار...يصابح القيمان والا هجدها...

اسبيع غلبا فعلها نايد خيار...من سالف الازمان مااحصي عددها..

.تنصا ال عزه خص ذربين الاشوار...عصمان الاريا لاتلوت عقدها....
ا
متيهة خلج العشاير والابكار..وقت النذر ترسي ويلحق طردها..

.لاصاح صياحا" وذرو الدبش ذار..وكل فارس سابقه من جهدها..

.كم حلةن خلوا عمادينها اطيار...وهذا منيع وذاك من تحت يدها..

.ستر العذارا يوم زوغات الابصار...طار القناع وبان منها نهدها..

من دونها يثنون وتروح الاعمار..ولعيونها كم جثةن في لحدها...

واهل الرباع اللي بها البن يندار..واهل الحلال اللي يذعذع سعدها..

.يوم القسا والجوع والوقت جوار..فوق الصياني حشوها مع نجدها..

يافهد يابن دهيم يانسل الاحرار..شقر الحراراللي ينومس هددها..

ياطيب السيره ويانمر الانمار..شوق الهنوف اللي تنقض جعدها..

لك عندنا حشمه وقيمه ومقدار...ستر القصيره ياذراها سندها.

.ترفع لك البيضا على كل معبار..من حد نجران ليا اقصا بلدها.

.ونرفع لك الرايات ونطوف الاقطار..ونقول من قبل العزيزي وردها..

.هذا الفعل تاجن على الراس وشعار..يمناه في سمن المراجل مسدها..

اعتاق لله ثم حشمه للأخيار..سمعه وفي بنك المفاخر رصدها...

جاه الخبر ثم قال غران وصغار..كلا يرد سيوفها في غمدها.

.لاقبلها شين ولابعدها صار..قدرة ولي الكون ترقب وعدها..

.والله ثم والله ثم عادها امرار...ماروع الجاره بفلذة كبدها

.جينا ودرنا الشور والفكر محتار..ماهي عليهم عندنا امر وادها.

.وقت العزا مؤمن وراضي بالاقدار...يطلق لنا احجاجه ويخفي لهدها...

شرطه يعود صاحب الشان للدار..لاقبلها عدت ولا احدن شهدها...

تبقا على مرالزمن صيت تذكار..فخرن لحي سبيع واللي بعدها...

ماهي غريبه من قديمات الادوار..قصرة مفرج وبن فراج اعدها.

.ذكرتنا فعل المهادي بالاخبار..تبعث فعول مفرجن من مهدها..

.قحطان في نجدن وفي كل الأمدار...تشكر مد لهة الغريب وفهدها..

.يامقدر القصره ويامكرم الجار...البيض لابن دهيم معتق قودها..

.شكر وثنا لسبيع ماضين الأذكار... امسامحة جيرانها في ولدها.


وتقبلوا تحياتي

الله يعطيك العافيه اخوي سلطان على القصه الطيبه ونعم بقحطن ونعم بسبيع

ويحضرني بيت للشاعر يقول : اصغر سبيع تلقى كف يده ندي كيف باقي الغلبا وهذا هو السؤال ....

تحياتي .. سلطان بن فهيد

أخوي محمد ألف شكر على مرورك العطر
أسعدتني بأطلالتك

يشرف منتديات الجشوش الرسمية ذكر الطبين وقصصهم البطولية وتشكر ياسلطان
على هذة القصة ويستاهلون سبيع وقحطان

اشكرك عزيزي سلطان على القصه والقصيده الطيبه ونعم و الله بقحطاااان وسبيع....



تقبل مروري